എന്‍ജിനീയറിങ് പ്രവേശന പരിഷ്‌കരണം നടപ്പാക്കുന്നതിന്റെ ഭാഗമായി വി.എച്ച്.എസ്.ഇ പരീക്ഷാബോര്‍ഡ് വിഭജിക്കും. മൂന്ന് വിഷയങ്ങളുടെ പരീക്ഷാനടത്തിപ്പും മൂല്യനിര്‍ണയവും ഹയര്‍സെക്കന്‍ഡറി ബോര്‍ഡിന് കൈമാറും. വി.എച്ച്.എസ്.ഇയെ ലയിപ്പിച്ച് ഏകീകൃത ഹയര്‍സെക്കന്‍ഡറിയുണ്ടാക്കാനുള്ള നടപടികള്‍ക്കും ഇതോടെ തുടക്കമാവും. ദീര്‍ഘകാലമായി വിദ്യാഭ്യാസ വകുപ്പിന്റെ പരിഗണനയിലുള്ള വിഷയമാണ് ഏകീകരണം.
ഫിസിക്‌സ്, കെമിസ്ട്രി, മാത്‌സ് വിഷയങ്ങളാണ് വി.എച്ച്.എസ്.ഇ പരീക്ഷാബോര്‍ഡില്‍ നിന്ന് എടുത്തുമാറ്റുന്നത്. ഇവ പൂര്‍ണമായി ഹയര്‍സെക്കന്‍ഡറി പരീക്ഷാബോര്‍ഡിന് കീഴിലാക്കും. യോഗ്യതാ പരീക്ഷയുടെ മാര്‍ക്കുകൂടി എന്‍ജിനീയറിങ് പ്രവേശനത്തിന് പരിഗണിക്കുന്നതിനാല്‍ ഇരട്ടമൂല്യനിര്‍ണയമടക്കം നടത്തേണ്ടതിനാലാണ് ഈ മാറ്റം. ഇതിനായി ഹയര്‍സെക്കന്‍ഡറി, വി.എച്ച്.എസ്.ഇ ഡയറക്ടര്‍മാരെ ഉള്‍പ്പെടുത്തി പ്രത്യേക പരീക്ഷാബോര്‍ഡ് രൂപവത്കരിക്കും. ഇതുസംബന്ധിച്ച ഉത്തരവ് ഉടന്‍ ഇറങ്ങും.
വി.എച്ച്.എസ്.ഇയിലെ ഈ വിഷയങ്ങള്‍ക്കുള്ള ചോദ്യപേപ്പര്‍ തയാറാക്കുന്നതും ഉത്തരക്കടലാസ് വിതരണംചെയ്യുന്നതും ഹയര്‍സെക്കന്‍ഡറി ബോര്‍ഡായിരിക്കും. എന്നാല്‍ വി.എച്ച്.എസ്.ഇ കേന്ദ്രങ്ങളില്‍ തന്നെയാകും പരീക്ഷ നടക്കുക. ഉത്തരക്കടലാസുകള്‍ ഹയര്‍സെക്കന്‍ഡറി ബോര്‍ഡിന് കൈമാറണം. മൂല്യനിര്‍ണയം നടത്തിയശേഷം മാര്‍ക്ക് വി.എച്ച്.എസ്.ഇയെ അറിയിക്കും. മറ്റ് വിഷയങ്ങള്‍ വി.എച്ച്.എസ്.ഇ ബോര്‍ഡിന് കീഴില്‍ തന്നെ തുടരും.
മൂന്ന് വിഷയങ്ങള്‍ക്ക് പൊതു പരീക്ഷാബോര്‍ഡ് നിലവില്‍വരുന്നത് രണ്ട് ശാഖകളെയും ഏകീകരിക്കുന്ന നടപടികളുടെ തുടക്കമാകുമെന്നാണ് ചൂണ്ടിക്കാട്ടപ്പെടുന്നത്. എസ്.എസ്.എല്‍.സി, പ്ലസ് ടു, വി.എച്ച്.എസ്.ഇ എന്നിവയെ പൊതുപരീക്ഷാബോര്‍ഡിന് കീഴില്‍ ഏകീകരിക്കണമെന്ന നിര്‍ദേശം കാലങ്ങളായി സര്‍ക്കാറിന്റെ പരിഗണനയിലുണ്ട്. നിലവിലെ സര്‍ക്കാര്‍ ഇതിനായി ചിലനീക്കങ്ങള്‍ നടത്തുകയും ചെയ്തു.എന്നാല്‍ വി.എച്ച്.എസ്.ഇ തലപ്പുത്തുണ്ടായിരുന്ന ചിലരുടെ സമ്മര്‍ദത്തിന് വഴങ്ങിയതോടെ ഈ നീക്കം മരവിപ്പിക്കപ്പെടുകയായിരുന്നു. പൊതുബോര്‍ഡ് നിലവില്‍വന്നതോടെ ഏകീകരണനീക്കങ്ങളും പുനരാരംഭിക്കുമെന്നാണ് സൂചന.
എന്‍.പി ജിഷാര്‍
4:43 AM |
Posted in
general
|
Read More »
തളിക്കുളം ഗവണ്‍മെന്‍റ് വൊക്കേഷണല്‍ ഹയര്‍ സെക്കന്‍ഡറി സ്കൂള് പ്രിന്‍സിപ്പല്‍ പനിബാധിച്ച് മരിച്ചു. എറവ് കരുവാന്‍വളവ് റോഡിലെ ഹൈടെക് നഗറിനു സമീപം പട്ടാട്ട് കുമാരന്‍റെ മകന്‍ പി.കെ. രാജനാണ് (53) മരിച്ചത്. സംസ്കാരം നടത്തി.
ഒന്നര ആഴ്ചമുന്പ് പനിബാധിച്ചതിനെത്തുടര്‍ന്ന് ആദ്യം തൃശൂര്‍ അശ്വനി ആശുപത്രിയിലും പിന്നീട് എറണാകുളം അമൃത ആശുപത്രിയിലും പ്രവേശിപ്പിച്ചുവെങ്കിലും ജീവന്‍ രക്ഷിക്കാനായില്ല. ഭാര്യ: കമല (അര്‍ബന്‍ കോ-ഓപ്പറേറ്റീവ് ബാങ്ക്, പടിഞ്ഞാറേകോട്ട, തൃശൂര്‍). മക്കള്‍: നിജില (വിദ്യാര്‍ഥിനി, സെന്റ് മേരീസ് കോളജ്, തൃശൂര്‍), വിഷ്ണുരാജ് (വിദ്യാര്‍ഥി, വിവേകോദയം സ്കൂള്, തൃശൂര്‍). തളിക്കുളം ഗവണ്‍മെന്‍റ് സ്കൂളിന് ഇന്നലെ അവധി നല്‍കി.
6:54 PM |
Posted in
vhse
|
Read More »
ജില്ലാ സ്കൂള് കലോത്സവത്തില്‍ 15 സ്റ്റേജ് ഇനങ്ങള്‍ പൂര്‍ത്തിയായപ്പോള്‍ ഇരിങ്ങാലക്കുട ഉപജില്ല മുന്നേറ്റം തുടങ്ങി. ഹൈസ്കൂള്, ഹയര്‍ സെക്കന്‍ഡറി വിഭാഗങ്ങളില്‍ ഇരിങ്ങാലക്കുടയാണ് മുന്നിട്ടുനില്‍ക്കുന്നത്. യു.പി. വിഭാഗത്തില്‍ കൊടുങ്ങല്ലൂരാണ് ഒന്നാമത് . ഇരിങ്ങാലക്കുട ഇതില്‍ രണ്ടാംസ്ഥാനത്താണ്. ഹൈസ്കൂള് വിഭാഗത്തില്‍ ഇരിങ്ങാലക്കുട 214 പോയിന്റ് നേടി. കുന്നംകുളത്തിന് 206ഉം തൃശ്ശൂര്‍ വെസ്റ്റിന് 198ഉം പോയിന്റ് ലഭിച്ചു. ഹയര്‍ സെക്കന്‍ഡറി വിഭാഗത്തില്‍ ഇരിങ്ങാലക്കുടയ്ക്ക് 283 പോയിന്റ് ലഭിച്ചു. തൃശ്ശൂര്‍ വെസ്റ്റ് 236 ഉം കുന്നംകുളം 227 ഉം പോയിന്റാണ് നേടിയത്. 132 പോയിന്റുകളാണ് യു.പി. വിഭാഗത്തില്‍കൊടുങ്ങല്ലൂര്‍ നേടിയത്.
ഇരിങ്ങാലക്കുട 124 ഉം ചേര്‍പ്പ് 120 ഉം പോയിന്റ് നേടി തൊട്ടുപിന്നിലുണ്ട്. ഹൈസ്കൂള് വിഭാഗത്തില്‍ മതിലകം സെന്റ് ജോസഫ്‌സ് എച്ച്.എസ്.എസ്. 35 പോയിന്റോടെ മുന്നിലെത്തി. ഹയര്‍ സെക്കന്‍ഡറി വിഭാഗത്തില്‍ മാമ്പ്ര യൂണിയന്‍ എച്ച്.എസ്.എസ്. 41 പോയിന്റ് നേടി മുന്നിലാണ്. യു.പി. വിഭാഗത്തില്‍ ചാലക്കുടി കാര്‍മല്‍ എച്ച്.എസ്.എസ്. 21 പോയിന്റ് നേടി.
കലോത്സവവേദിയില്‍ മത്സരങ്ങള്‍ വൈകിത്തുടങ്ങിയത് പ്രതിഷേധത്തിനിടയാക്കി. ഉദ്ഘാടനവേദിയില്‍ 12.45 നാണ് ആദ്യമത്സരം തുടങ്ങാനായത്. സ്റ്റേജിലെ അപാകങ്ങളും പ്രശ്‌നങ്ങളുണ്ടാക്കി.
നാടകവേദി അപര്യാപ്തതമൂലം മാറ്റേണ്ടിവന്നു. ശാസ്ത്രീയസംഗീതമത്സരം ഇടുങ്ങിയ ക്ലാസ് മുറിയില്‍ നടത്തിയതും പ്രശ്‌നങ്ങള്‍ സൃഷ്ടിച്ചു. വലിയ വേദികളില്‍ നടക്കേണ്ട പരിപാടികള്‍ ചെറിയ വേദികളിലാണ് നടത്തിയത്. രാത്രി വൈകിയും മത്സരങ്ങള്‍ തുടരുകയാണ്. വ്യാഴാഴ്ച 11 വേദികളിലായി നാടോടിനൃത്തം, ഓട്ടന്‍തുള്ളല്‍ തുടങ്ങിയ പരിപാടികള്‍ അരങ്ങേറും.
6:30 PM |
Posted in
feature,
politic
|
Read More »
ശമ്പളപരിഷ്‌കരണ റിപ്പോര്‍ട്ടിലെ അപാകങ്ങള്‍ പരിഹരിക്കണമെന്നാവശ്യപ്പെട്ട് ഹയര്‍ സെക്കന്‍ഡറി അധ്യാപകര്‍ പ്രക്ഷോഭത്തിന് ഒരുങ്ങുന്നതായി ഫെഡറേഷന്‍ ഓഫ് ഹയര്‍ ആന്‍ഡ് വൊക്കേഷണല്‍ ഹയര്‍സെക്കന്‍ഡറി ടീച്ചേഴ്‌സ് അസോസിയേഷന്‍ ചെയര്‍മാന്‍ ടി. പ്രസന്നകുമാര്‍ പത്രസമ്മേളനത്തില്‍ പറഞ്ഞു. 15ന് നടക്കുന്ന ക്ലസ്റ്റര്‍ യോഗങ്ങളില്‍ അധ്യാപകര്‍ കറുത്ത ബാഡ്ജ് ധരിച്ച് പ്രതിഷേധിക്കും.
25ന് ജില്ലാതലങ്ങളില്‍ സമരപ്രഖ്യാപന കണ്‍വെന്‍ഷനുകള്‍ ചേരും. ഫിബ്രവരി എട്ടിന് സെക്രട്ടേറിയറ്റിന്മുന്നില്‍ മാര്‍ച്ചും ധര്‍ണയും നടത്തും.
പത്രസമ്മേളനത്തില്‍ പി.വേണുഗോപാല്‍, ജോഷിആന്റണി, അബ്ദുല്‍ലത്തീഫ്, ഷാജി പാരിപ്പള്ളി എന്നിവരും പങ്കെടുത്തു.
6:24 PM |
Posted in
dhse
|
Read More »
കേന്ദ്രനിരക്കില്‍ പ്രൈമറി അദ്ധ്യാപകന്‍റെ പ്രരംഭശന്പളം 16290/- കേരളത്തില്‍ 11620/-
വ്യത്യാസം 4670/-രൂപ
കേന്ദ്രനിരക്കില്‍ ഹൈസ്കൂള് അദ്ധ്യാപകന് 18460/- കേരളത്തില്‍ 14620/- വ്യത്യാസം അടിസ്ഥാനശന്പളത്തില്‍ മാത്രം 3840
തമിഴ്നാട് - പ്രൈമറി അദ്ധ്യാപകന് 13500/- കേരളത്തില്‍ 11620/- വ്യത്യാസം 1880/-
2004 ലെ ശന്പളപരിഷ്കരണത്തില്‍ യു.ഡി. ക്ലാര്‍ക്കിനും പ്രൈമറി അദ്ധ്യാപകനും പ്രാരംഭശന്പളം 6680/-
2009ല്‍ യു.ഡി.ക്ലാര്‍ക്കിന് 13210, പ്രൈമറി ടീച്ചര്‍ക്ക് 11620/-
വെയിറ്റേജ് -2004ല്‍; പൂര്‍ത്തിയാക്കിയ ഓരോ നാല് വര്‍ഷ സര്‍വ്വീസിനും പുതുക്കിയ നിരക്കില്‍ ശന്പളം. 16 വര്‍ഷം പൂര്‍ത്തിയാക്കിയ ഒരാ-ള്‍ക്ക് ഈ ഇനത്തില്‍ മാത്രം നഷ്ടം ഉദ്ദ്യേശ്യം 1000രൂപ!
വീട്ടുവാടക അലവന്‍സ് കേന്ദ്രത്തില്‍ അടിസ്ഥാനശന്പളത്തിന്‍റെ നിശ്ചിത ശതമാനം. കേരളത്തില്‍ 250 രൂപ.
ഇടക്കാലാശ്വാസം അനുവദിച്ചില്ല.; വിലക്കയറ്റം രൂക്ഷം; കേന്ദ്ര ജീവനക്കാരനും, സംസ്ഥാനജീവനക്കാരനും ഒരേ കടയില്‍നിന്ന് നിത്യോപയോഗസാധനങ്ങള്‍ വാങ്ങുന്നത്.
കേരളത്തില്‍ 2009 ജൂലൈ മുതല്‍ 0% ഡി.എ.
കേന്ദ്രനിരക്കില്‍ ഇന്‍ക്രിമെന്‍റ് നിശ്ചിത ശതമാനം, കേരളത്തില്‍ ശബളം പരിഷ്കരിക്കുന്പോള്‍ ഇന്‍ക്രിമെന്‍റ് കുറയുന്നു!
ഉദാ. സ്റ്റേജ് 2004 കമ്മീഷന്‍ 2009 കമ്മീഷന്‍
11910 340 രൂപ 300രൂപ
13610 380' 360
16650 450 400
തുടക്കക്കാരനായ ഒരു അദ്ധ്യാപകന്‍റെ ശബള വ്യത്യാസം കേവലം 665 രൂപ
എന്നിട്ടും ഈ ശുപാര്‍ശകള്‍ ലോകോത്തരം എന്ന് വിശേഷിപ്പിക്കുന്നവരോട്
ഞങ്ങള്‍ സഹതപിക്കുന്നു.....
ഹാ.....കഷ്ടം....
12:06 AM |
Posted in
upsa
|
Read More »
ശമ്പളപരിഷ്‌കരണം വി.എച്ച്.എസ്, പ്ലസ്ടു അധ്യാപകരോടുള്ള വഞ്ചനയാണെന്ന് വി.എച്ച്.എസ്. നോണ്‍ വെക്കേഷണല്‍ ലക്ചറേറഴ്‌സ് അസോസിയേഷന്‍ കുറ്റപ്പെടുത്തി.
12:02 AM |
Posted in
vhse
|
Read More »
പ്രൈമറി അധ്യാപകരുടെ ശമ്പളസ്‌കെയിലായിരുന്ന 6680-10690ന് പകരം 11620-18540 ആണ് കമ്മീഷന്‍ ശുപാര്‍ശ ചെയ്തിരിക്കുന്നത്. എന്നാല്‍. 6680 രൂപ അടിസ്ഥാനശമ്പളമുണ്ടായിരുന്ന യു.ഡി.ക്ലാര്‍ക്ക് തസ്തികയുള്‍പ്പടെയുള്ളവരുടെ സ്‌കെയില്‍ 13210-20740 ആയി വര്‍ധിപ്പിച്ചു. അടിസ്ഥാനശമ്പളത്തില്‍ തന്നെ 1590 രൂപയുടെ വ്യത്യാസമാണുള്ളത്.
12:01 AM |
Posted in
lpsa
|
Read More »
